Një familje nga shteti Teksas po lufton për të drejtat e një gruaje shtatzëne për vdekje, pasi mjekët deklaruan se truri i saj ka vdekur, por nuk po e largojnë nga aparaturat.
Mirëpo, autoritetet mjekësore nga Teksasi insistojnë që 33 vjeçja Marlise Munoz duhet të mbahet në jetë, pasi ligjet e këtij shteti ndalojnë ndërprerjen e aparaturave mbështetëse për jetë tek të shtatëzanat.
“Ne nuk po luftojmë kundër familjes Munoz”, ka thënë në zëdhënës i spitalit.
“Ne vetëm po veprojmë sipas ligjeve tona”, ka shtuar ai.
Munoz ka kolabuar në muajin nëntor në kuzhinën e saj, nga embolizmi në mushkëri, siç raportojnë mediet e huaja.
Ajo ishte në muajin e katërt të shtatzënisë kur u shtri në gjendje të rëndë në spital.
Mjekët e spitalit Peter Smith në Fort Worth, e shpallën të vdekur trurin e saj, andaj familja kërkoi që ajo të hiqet nga aparaturat dhe ta lënë të vdes, pasi kjo siç thuhet ishte dëshirë e saj, meqë ajo e dinte se sëmundja e saj do ta shkatërronte. /rel/