Edhe pse u mundua që të mos e bënte të madhe për thyerjen e rekordit- që la prapa yllin e Barcelonës Lionel Messi- ai nuk mund të fshihte gëzimin me performancën e tij në Real.
“Jam shumë i lumtur. Ky është një moment i rëndësishëm i karrierës sime. Ndjehem shumë i nderuar dhe gjithmonë kam provuar të bëj më të mirën”, ka thënë ai për Sky Sport. “Nuk jam i brengosur për rekordet. Ato vijnë vetë. Është pozitive, por unë dua të fitoj edhe më shumë dhe të jem më i mirë në të ardhmen”.
“Ne e dinim se do ta kishim të vështirë kundër Juventusit. Në pjesën e parë ne vuajtëm, [por] në pjesën e dytë ne u rikthyem. Ne reaguam mirë, goditëm shtyllën dhe ishim më të mirë”, ka shtuar ai.
“Siç kam thënë ne ende jemi duke u përmirësuar. Për mendimin tim ne mund të bëjmë edhe më shumë. Ne duam të jemi më të mirë, por këtë do ta bëjmë hap pas hapi”.