Me ardhjen e
muajit Muharrem, muaji i parë i vitit Hixhri, shumë pyetje lindin në lidhje me
meritat e vetë muajit, agjërimi në disa nga ditët e tij, 'Ashures', etj.
Një nga
katër muajt e shenjtë në Islam, muaji Muharrem gëzon merita dhe virtyte të
veçanta. Festa dhe raste të rëndësishme e bëjnë të veçantë këtë muaj.
Departamenti
i Sheriatit në një portal Islam nis këtë dosje, për t'u përqëndruar në këto
çështje duke shpresuar se do të ndihmojë lexuesit tanë të jenë më të ditur dhe
të fitojnë njohuri më shumë rreth këtij muaji të madh.
Disa nga
karakteristikat e muajit Muharrem:
Virtytet e muajit Muharrem
Myslimani
është i prirur që të jetë sa më afër All-llahut dhe gjatë gjithë kohës të afrohet
tek Ai. Rastet e tilla kanë shumë peshë dhe rëndësi të madhe dhe janë raste të
bekuara përherë. Një nga këto raste në të cilat një musliman duhet të ushtrojë
dhe të tregojë më shumë përpjekje është rasti i muajit Muharrem.
Nga suneti i
Profetit Muhamed a.s. në muajin Muharrem është agjërimi i ditës së Ashuras që i
bie në ditën e 10 të muajit Muharrem.
Në të
vërtetë, muaji i shenjtë i Muharremit është një muaj i bekuar dhe i rëndësishëm. Është muaji i parë i kalendarit Hixhri dhe është një nga katër muajt e shenjtë
për të cilët Allahu Fuqiplotë thotë: Te All-llahu
numri i muajve është dymbëdhjetë (sipas hënës), ashtu si është në librin e
All-llahut prej ditës kur krijoi qiejt dhe tokën. Prej tyre katër janë të
shenjtë. Kjo është fe e drejtë. Pra, mos e ngarkoni (me mëkat) veten tuaj në
ata (katër muaj). |Et-Teube,
9: 36|
Është
quajtur Muharrem ngase është nga muajt e shenjtë që i caktoi Allahu i
Plotfuqishëm. Mëkatet në këto muaj janë më serioze dhe veprat e mira sjellin shpërblime
më të mëdha. Keqbërja në çdo kohë është një çështje serioze, por Allahu i jep
më shumë peshë cilësdo prej urdhrave të Tij.
Allahu ka
përzgjedhur diçka
të caktuara nga Krijimi i Tij. Ai ka zgjedhur të dërguar nga radhët e engjëjve
dhe disa të Dërguar nga mesi njerëzimit. Ai përzgjodhi nga zbukurimi i fjalës
kujtimin e Tij, dhikrin. Ai zgjodhi nga
radhët e dheut xhamitë, nga radhët e viteve muaj dhe muajt e shenjtë, nga
radhët e ditëve të premten, dhe nga netët Natën e Kadrit, kështu që e nderojnë
atë që Allahu ka urdhëruar ta nderojmë.
Profeti
Muhamed a.s. thotë se: Agjërimi më i mirë pas Ramazanit është agjërimi i muajit
të Allahut, Muharrem. Fraza "muaji i Allahut" që lidh emrin e muajit
për emrin e All-llahut në një strukturë gjinore gramatikore tregon rëndësinë e
muajit.
Por gjatë
historisë shofim se Profeti a.s. asnjëherë nuk e ka agjëruar tërë muajin përpos
muajit Ramazan. Por hadithi inkurajon besimtarët që sa më shumë të agjërojnë
dhe të bëjnë vepra të mira gjatë këtij muaji.
Kështu, një
mysliman i vërtetë e ka mundësinë të kapë mirësinë e këtyre ditëve të bekuara
dhe të përpiqet sa më shumë që të marrë shpërblime tyre sa të jetë e mundur.
Meritat e agjërimit në muajin
Muharrem
Para së gjithash është shumë e rëndësishme të bëhet e qartë se agjërimi në ditën e Ashures -10 Muharrem- është ndër meritat më të mëdha në Islam. Profeti (paqja dhe bekimi qofshin mbi të ) ka thënë: "Agjërimi ditën e Ashures ( është e meritat e mëdha ) , shlyen mëkatet e një viti ".
Gjithashtu,
agjërimi i ditës së 9 të Muharremit është shumë e rekomanduar nga Suneti i
Profetit a.s. Duke shpjeguar virtytin e agjërimit në ditën e 9 dhe 10 të muajit
Muharrem, Dr Muzammil thotë:
Ky është Suneti
i Pejgamberit ( paqja dhe mëshira e Allahut qofshin mbi të) për të agjëruar në
ditën e 9 dhe 10 të Muharremit. Pejgamberi a.s. agjërimin e Ashuras e përdori në
këtë mënyrë. Kur ai erdhi në Medine, ai gjeti se hebrenjtë e Medinës ishin
gjithashtu duke agjëruar në këtë ditë duke kujtuar Profetin Musa a.s. Profeti
a.s. ka admiruar këtë traditë dhe u tha atyre: "Unë jam më afër Musait
sesa ju". Ai agjëroi dhe i tha shokëve të tij për të agjëruar në këtë
ditë. Para përfundimit të jetës së tij, Profeti a.s. i ka thënë muslimanëve për
të shtuar edhe ditën e 9. Kështu Ashurja është e rekomanduar për të agjëruar në
dy ditë në ditën e 9 dhe 10 të Muharremit, duke aluduar në mos imitimin e
hebrenjve.
Ebu Hurejra
r.a. transmeton: "E pyeta Profetin? Cili namaz është më i mirë pas
namazeve obligative. Ai tha: Namazi i natës. Pastaj e pyeta: Cili agjërim është
më i mirë pas atij të Ramazanit? Ai tha 'muaji i All-llahut, Muharremi".
Vlen të
përmendet se dijetarët myslimanë kanë deklaruar se agjërimi i Ashures' është
ndarë në tre nivele:
1 . agjërimi
për tri ditë rresht në ditët 9,10 dhe 11 të muajit Muharrem,
2 . agjërimi
i ditës 9 dhe 10 të muajit Muharrem dhe
3 . agjërimi
vetëm i ditës së 10 të muajit Muharrem
/vizioninfo/