Skuadra e Hull City e ka nisur furishëm damkimin duke realizuar dy gola për dhjetë minuta. James Chester shënoi për 1-0 në minutën e 3-të, derisa David Meyle shtoi epërsinë në 2:0 në minutën e 13-të.
Por, me inkuadrimin në lojë të Adnan Januzajt, i cili zëvendësoiRafaelin e lënduar në minutën e 18-të, skuadra nga Old Trafford filloi të ringjallet.
Chris Smalling realizoi me kokë për 2:1 në minutën e 19-të, pas një goditje dënimi e cila u fitua nga mesfushori kosovar. Kurse, shtatë minuta më vonë Wayne Rooney barazoi rezultatin në 2:2 me një gol të bukur.
Januzaj, i cili shkëlqeu në këtë takim u ndëshkua me karton të verdhë në minutën 39-të pas një ndërhyrje të palejuar.
Kurse, Manchester United arriti ta realizoj edhe golin e fitores në minutën e 61-të, pas autogolit të realizuar nga James Chester.
Me këtë fitore Manchester United ka tubuar 31 pikë, derisa është ngjitur në vendin e gjashtë në renditjen tabelore.