Zbulohet galaktika më e largët, 13.1 miliardë vit-drite

Teleskopi hapësinor Hubble ka zbuluar deri tashti rreth 10 000 galaktika të ndryshme, por ajo me emërtimin Z8 GND 5296 është më e largëta e zbuluar deri tashti. Distanca me galaktikën tonë është aq e madhe sa drita nga ajo për të arritur deri në Tokë duhet të “udhëtojë” 13.1 miliardë vjet, pothuaj aq sa konsiderohet se është e vjetër gjithësia. 

Analiza e astronomëve në Londër tregoi se kjo galaktikë e largët me shpejtësi befasuese po krijon yje të reja – 100 herë më shpejtë se galaktika në të cilën gjendemi ne. Kjo galaktikë e zbuluar është e ngjashme sa i përket këtij fenomeni me galaktikën që ishte deri tashti më e largëta, dhe e cila qëndron në të njëjtën pjesë të qiellit dhe që poashtu krijon yje të reja si në shirit lëvizës. 

“Në këtë mënyrë mund të kuptojmë diçka për gjithësinë hershme”, shkroi në revistën shkencore britanike Nature zbuluesi i kësaj galaktike Steven Finkelstein.

“Ekzistojnë më shumë vene me përqindje shumë të madhe të lindjes së yjeve sesa kemi menduar deri tashti. Nëse i gjejmë dy në të njëjtin qiell, me siguri duhet të ekzistojë një sërë galaktikash të llojit të tillë”, ka shtuar ai.