Mbi 100 mijë libra dhe revista për nxënësit mërgimtarë nga MD

Ministria e Diasporës, dy javëte fundit, ka nisurnjë kontigjent me rreth 100 mijë libra të ndryshëm, revista “URA” dhe harta shkollore në vendet ku jeton dhe vepron mërgata e Kosovës.Prej tyre, 75.200 janë libra shkollorë (niveli 1.2.3), 400 lektyra shkollore dhe abetare, 420 libra të ndryshëm për të rritur, 162 libra në gjuhën boshnjake, 18.700 revista për fëmijët në mërgatë “URA” dhe 4.240harta shkollore të Republikës së Kosovës. Librat, revistat dhe hartat janë dërguar në të gjitha vendet ku jeton dhe vepron mërgata e Kosovës: në vendet skandinave (Suedi, Finlandë, Danimarkë, Norvegji), në Gjermani, Belgjikë,në Britaninë e Madhe, Francë, Zvicër, Austri,Itali,Slloveni, Kroaci,SHBA, Kanada dhe në Australi.
Librat dhe revistat e para tashmë kanë arritur në Suedi, Zvicër dhe në Australi, kurse në fundtë kësaj jave dhe javën e ardhshme pritet të arrijnë në Slloveni, Austri, Kroaci, Gjermani, Belgjikë dhe në Britaninë e Madhe, ndërkaq në Zvicër, Itali, Francë, SHBA e Kanada librat do të arrijnë deri në fund të tetorit ose javën e parë të nëntorit. Dy javëte ardhshme do të dërgohen edhe 4.600 libra shkollorë, 500 lektyra shkollore , mbi 600 revista “URA dhe 1500 harta shkollore të Republikës së Kosovës. Ky kontigjent do të dërgohet në Suedi dhe në vendet e tjera skandinave, në Australi, Hungari dhe në Greqi. 
Në muajt mars, prill, maj dhe qershor të këtij viti, në vende të ndryshme ku jeton dhe vepron mërgata e Kosovës (në Gjermani, Kroaci, Austri, Turqi, Suedi,Greqi në Francë, SHBA dhe në Turqi), Ministria e Diasporës ka dërguar rreth 4 mijëlektyra shkollore dhe libra shkollorë të nivelit 1 dhe 2, mbi 2700 libra për të rritur dhe rreth 15 mijë revista për fëmijë “URA”. Gjatë asaj kohe, janë hapur sektorë të bibliotekave me libra shqip në Munih dhe në Shtutgart të Gjermanisë, në Vjenë dhe në Grac të Austrisë, si dhe në spitalin e Lincit të Austrisë, në Qendrën Kulturore të Republikës së Kosovës në Stamboll dhe në Universitetin e Edrenes së Turqisë, në Bibliotekën Universitare të Osijekut dhe në kuadër të shoqatës “Iliria” në Zagreb. Po ashtu, në kuadër të Lidhjes së Mësuesve të Greqisë, janë furnizuar me lektyra shkollore dhe me revistën “Ura”mësuesit shqiptarë në Athinë dhe në Partë të Greqisë. Ndërkohë, në nëntor dhe dhjetor të këtij viti,në vende të ndryshme do të dërgohen edhe 2 mijë libra dhe rreth 10 mijë ekzemplarë të revistës “URA “. 
Gjatë vitit 2013, Ministria e Diasporës, në të gjitha vendet ku jeton dhe vepron mërgata e Kosovës, dërgon mbi 88 mijë libra të ndryshëm, 45 mijë ekzemplarë të revistës “URA” dhe rreth 6mijë harta shkollore. Ndërkaq, në vitin 2012, për nevojat e mërgimtarëve, nxënësve, studentëve, studiuesve dhe qytetarëve,Ministria e Diasporës i pati dërguar në diasporë mbi 40 mijë libra dhe rreth 10 mijë ekzemplarë të revistës “ URA”. Kështu, në këta dy vjet, Ministria e Diasporës i ka dërguar mbi 180 mijë libra dhe revista e harta në diasporë, duke e përmbushur kështu një obligim ligjor për rruajtjen e identitetit gjuhësor, kulturor dhe kombëtar përgjithësisht të pjesëtarëve të mërgatës së Kosovës./kosovasot/