E përditshmja spanjolle sportive "AS" lajmëroi këtë të mërkurë se drejtori teknik i katalanasve, Andoni Zubizarreta ishte i pranishëm në fillim të javës në Gjermani, ku firmosi marrëveshjen me Borussia Moenchengladbah për portierin premtues Ter Stegen.
Për momentin, përveç faktit që kampionët e Spanjës në fuqi kanë siguruar kartonin e futbollistit, nuk bëhet i ditur asnjë detaj i vlerës ekonomike të operacionit dhe as shumën që i riu do të përfitojë në "Camp Nou".
Megjithatë, misioni i Zubizarretës në Gjermani nuk ka përfunduar.
I dërguari i Barcelonës do të vendoset në kontakt me përfaqësuesit e Borussias së Dortmundit për të negociuar për mesfushorin Ilkay Gundogan, i cili shprehimisht ka pranuar mundësinë e largimit nga "Signal Iduna Park" pas Botërorit të Brazilit 2014.
23-vjeçari, një prej yjeve në rritje të kombëtares gjermane, konsiderohet nga Barcelona si zëvendësuesi ideal i Xavi Hernandez, që vitin e ardhshëm do të festojë 34-vjetorin e lindjes.
Për Gundogan, Barcelona mund të paguajë deri në 50 milionë euro. / Top Channel